الاحد 02 سبتمبر 2018 16:14 م بتوقيت القدس
#الرينة- بقلم احمد عزيز عثاملة
#صرخة_وجع
من ما وعينا وتربينا وعشنا وتعلمنا ولعبنا وطلعنا ونزلنا احنا بلد الي كلشي فيها خير الي كل يوم صحاب الناس مع بعضها وبتحب بعضها ومن الاول وعطول احنا بلد ايد وحدة واخوة اي ان كان مسلم او مسيحي احنا منضل بلد وحدة واخوة كل عيادنا منعيدها مع بعض ومنمشي مسيرة العيد مع بعض ان كان عيد فطر او عيد الفصح او ان كان عيد الاضحى او عيد الميلاد احنا ايد وحدة واخوة كلنا.
بأسفني انو يصير هيك شغلات ببلدنا والقاتل رح يعاقب والى اهل الشاب يونتان صاحبي وجاري واخوي الله يرحمه .ويصبر اهله لما الواحد يسمع انو صار بلرينة الي هي بلد ولا بعمرها صار في كره وولا بعمرها صار فيها مشكلة وكل اهلها اصحاب واخوة ودايما بس محبة وخير بيناتهن الواحد والله ما بصدق يوصل القتل لعنا اشي والله ما بتصدق .
الي صار لازم نقف ضد كلشي صار غلط وكل البلد ايد وحدة عشان نغدر نوقف كل العنف وما يكون ببلدنا عنف وعشان يكون كل يوم عنا فرح وسعادة ونضل زي ما احنا اخوة ومنحب بعض بقدم كل الحكي لكل شب وصبية لكل رجال البلد. لكل الكبار في البلد بتمنى يوصل كل حكييي ممنوع يصير هيك اشي !!
احنا ايد وحدة
